غازنا لأولادنا ام لأعدائنا

الصفقة واتعقدت خلاص
الصفقة وبدات فى التنفيذ والغاز وصل دلوقتى هناك
طب هنعمل ايه ؟
ينفع نوقف الصفقة ديه؟
ينفع نلغى الإتفاقية؟
يعنى فى حاجة ممكن نعملها ولا هنعد نتفرج ونمصمص الشفايف ونلعن ونحسبن
لا طبعا كل ده كويس بس لازم يكون فى حلول عملية
وهتفيد بحاجه
اه تعرف ان المفروض ان اى اتفاقية تتعرض على مجلس الشعب الأول ومجلس الشعب لازم يوافق عليها
طب تعرف كمان ان الاتفاقية ديه متعرضشى اصلا على مجلس الشعب
وبالتالى يمكن الغاء الإتفاقية
طب نعمل ايه؟...
لازم يحصل ضغط شعبى جامد على الحكومة بكل مظاهر الضغط
حملات توقيع على الفيس بوك
وقفات احتجاييه
ابعت لعضو مجلس الشعب الى هو المفروض الممثل بتاعك فى المجلس والى بيوصل صوتك وقوله يقدم طلب فى المجلس بوقف تصدير الغاز
توعية الراى العام وتوصيل القضية للناس كلهم
هتقولى كل ده ممكن ميجبشي نتيجة وميحصلشي حاجه
هقولك على الأقل يبقى عملنا الى علينا ووقفنا ضد الباطل وبرائنا زمتنا قدام اولادنا بعد كدا
وتذكر قصة أصحاب السبت لما كان فى ثلاث فئات فئة بتعصى وفئه بتنهى عن المعصية وفئة اعده بتفرج مش كدا وبس لا وكمان كانوا بينهوا الناس الى بتنهى عن المعصية لكن ربنا لما عاقب عاقب الفئتين الى بتفعل المعصية والى كانت ساكته عن الفئه العاصية
واَسْأَلْهُمْ عَنِ الْقَرْيَةِ الَّتِي كَانَتْ حَاضِرَةَ الْبَحْرِ إِذْ يَعْدُونَ فِي السَّبْتِ إِذْ تَأْتِيهِمْ حِيتَانُهُمْ يَوْمَ سَبْتِهِمْ شُرَّعاً وَيَوْمَ لاَ يَسْبِتُونَ لاَ تَأْتِيهِمْ كَذَلِكَ نَبْلُوهُم بِمَا كَانُوا يَفْسُقُونَ{163} وَإِذَ قَالَتْ أُمَّةٌ مِّنْهُمْ لِمَ تَعِظُونَ قَوْماً اللّهُ مُهْلِكُهُمْ أَوْ مُعَذِّبُهُمْ عَذَاباً شَدِيداً قَالُواْ مَعْذِرَةً إِلَى رَبِّكُمْ وَلَعَلَّهُمْ يَتَّقُونَ{164} فَلَمَّا نَسُواْ مَا ذُكِّرُواْ بِهِ أَنجَيْنَا الَّذِينَ يَنْهَوْنَ عَنِ السُّوءِ وَأَخَذْنَا الَّذِينَ ظَلَمُواْ بِعَذَابٍ بَئِيسٍ بِمَا كَانُواْ يَفْسُقُونَ{165} سورة الاعراف
واكيد فى حاجات تانيه كتير انت هتفكر فيها وهتعملها.

وجزاكم الله خيرا